Almatyda karaoke men banket zaldary jumys isteýine ruqsat etilýi múmkin
ALMATY. QazAqparat – Almaty «jasyl» aımaqqa ótetin bolsa, mamyr aıynda «Ashyq» jobasy boıynsha karaoke men banket zaldary jumys isteıdi, dep habarlaıdy QazAqparat tilshisi.
«17 sáýirden bastap Almaty qalasy boıynsha jobaǵa 5 kınoteatr jáne 1 teatr, sondaı-aq QR kodyn alý satysynda 6 kınoteatr jáne 1 teatr qosyldy. Kınoteatrlardy qosýdyń alǵashqy kúni-aq, «qyzyl» jáne «sary» mártebesi bar 5 kelýshi anyqtaldy. Eger Almaty «jasyl» aımaqqa ótetin bolsa, mamyr aıynda «Ashyq» jobasy boıynsha karaoke men banket zaldary jumys isteıdi, - deıdi Almaty qalasy kásipkerler palatasynyń dırektory Aıtýar Qoshmambetov
Almaty qalasy sanıtarııalyq-epıdemıologııalyq baqylaý departamenti bastyǵynyń orynbasary Sadvakas Baıǵabýlov árbir kásipkerlik sýbektisine bolashaqta jumys isteýge múmkindik beretin jeke QR kodtary berilgenin atap ótti.
«Mamyr aıynda biz karaokeni, sondaı-aq tolymdyǵy 50% -dan aspaıtyn banket zaldaryn qosý týraly máseleni qarastyramyz»,-deıdi ol
