Almatyda karaoke-bardyń birinde jezóksheler ordasy áshkerelendi
ALMATY. QazAqparat - Almatyda karaoke-barlardyń biriniń alty qyzmetkeriniń jezóksheler ordasyn uıymdastyrǵany áshkerelendi. Bul týraly búgin Almaty qalalyq ІІD baspasóz qyzmetinen habarlady.
Bul zańsyz qurylymdy osy mekemeniń 36 jastaǵy dırektory basqaryp kelgen. Qazir osy qylmystyq is boıynsha karaoke- bardyń bir aǵa qyzmetkeri jáne úsh qatardaǵy qyzmetkeri, bir kólik júrgizýshisi kúdikti retinde tergelip jatyr.
«Kúdiktilerdiń qylmystyq áreketin áshkereleý arnaıy operatsııasyn qalalyq ІІD Uıymdasqan qylmysqa qarsy kúres jónindegi basqarmasynyń qyzmetkerleri «Arlan» arnaıy jasaǵymen birge tún jarymda karaoke-bardyń bólmesinde júrgizdi. Sonyń nátıjesinde 5 áıel jáne bir er azamat ustaldy. Olar jezóksheler ordasyn uıymdastyrǵan jáne jeńgetaılyqpen aınalysqan. ıAǵnı, bar klıentterine belgili bir somaǵa jezóksheler usynyp otyrǵan», - dedi Almaty qalalyq ІІD resmı ókili Saltanat Ázirbek
Bul fakt QR UQ 309-baby boıynsha sotqa deıingi tergeý tizilimine engizildi.
Qazir, tergeý amaldary júrgizilip jatyr.
