Almatyda karantınge qaramastan toı ótkizý jalǵasýda

ALMATY. QazAqparat - Almaty qalasy Medeý aýdany ákiminiń orynbasary Berik Soltanbaev onlaın brıfıng barysynda karantın rejımin jıi buzatyn mekemelerge toqtaldy, dep habarlaıdy QazAqparat tilshisi.

Berik Soltanbaev qala ákiminiń tapsyrmasyna sáıkes karantın rejımin jáne sanıtarlyq-epıdemıologııalyq talaptardyń buzylýyn anyqtaý boıynsha monıtorıng toptardyń jumysy kúsheıtilgenin atap ótti.

Medeý aýdanynda 4 mobıldi top bar. Olar 9 qazannan beri 472 nysanǵa tekserý júrgizdi. Nátıjesinde 401 mekemeniń jumysy toqtatylyp, 89 kafe men klýbtan kelýshiler shyǵaryldy.

«Tyıym salynǵanyna qaramastan, buqaralyq is-sharalar jalǵasýda. Bul ınfektsııanyń taralý qaýpine ıe. Mysaly, 17 qazanda «Qazaqstan» qonaq úıindegi «Grand Ballroom Almaty» banket zalynda úılený toıynyń ótip jatqany anyqtaldy. Mobıldi top, toıdy toqtatyp, qanaqtardy shyǵardy. Onda shamamen 80 adam bolǵan. Osy demalys kúnderi eki meıramhanada 50-den astam adamǵa arnalǵan toı-tomalaq ótti. Biz meıramhanalardyń jumysyn dereý toqtattyq», - deıdi spıker.

Sondaı-aq, 6-8 qarasha aralyǵynda aýdanda 12 mobıldi top jumys jasady. Eki kúnniń ishinde 104 nysan tekserilip, onyń 93-i jabylǵan. Basqa 11 mekemede zań buzýshylyqtar anyqtalyp, qonaqtar shyǵaryldy.