Almatyda karantınge qaramastan eki bodı-massaj salony jumys istep kelgen
ALMATY. QazAqparat – Almatyda eki bodı-massaj ortalyǵy karantın rejımine qaramastan jumystaryn jalǵastyrǵan, dep habarlaıdy QazAqparat tilshisi.
Krımınaldyq polıtsııa, karantın kezinde tyıym salynǵanyna qaramastan táýlik boıy jumys istep kelgen massaj salondaryn anyqtady.
«Massaj salondarynyń ıeleri men qyzmetkerleri massaj qyzmetin kórsetýdi jalǵastyryp, karantın kezinde klıentterdi qabyldaǵan. Olardyń bıznesi jasyryn jumys istegen, salonǵa tek senimdi klıentterin aldyn ala jazylý arqyly qabyldaǵan. Belgili bolǵandaı, munda emdeý massajy emes erotıkalyq massaj qyzmeti kórsetilgen»,–deıdi Almaty qalalyq PD krımınaldyq polıtsııa basqarmasynyń bastyǵy Janbolat Zıadın.
Salon ıeleri birden ákimshilik kodekstiń eki baby boıynsha jaýapqa tartyldy: QR ÁQbK-niń 476-baby – tótenshe jaǵdaı rejımin buzý jáne QR ÁQbK-niń 450-baby – jezókshelikpen aınalysýǵa úı-jaı berý nemese jeńgetaılyq.
Basqarma bastyǵynyń aıtýynsha, tótenshe jaǵdaı rejımin buzǵany úshin massaj jasaýshylar da zańǵa sáıkes jaýap berýi kerek. Sheshim qabyldaý úshin óndiris materıaldary sotqa joldandy.
