Almatyda karantındi saqtamaǵan mektepterge 9,8 mln teńge aıyppul salyndy

ALMATY. QazAqparat – Karantın talaptaryn saqtamaǵan megapolıs mektepterine 9,8 mln teńgeden astam aıyppul salyndy. Bul týraly Almaty qalasy sanıtarııalyq-epıdemıologııalyq baqylaý departamenti málim etti, dep habarlaıdy QazAqparat tilshisi.

Almaty qalasy sanıtarııalyq-epıdemıologııalyq baqylaý departamentiniń bilim jáne tárbıe obektilerin baqylaý jáne qadaǵalaý bóliminde COVID-19 boıynsha shekteý is-sharalaryn engizý kezinde mektepterdegi oqý-tárbıe úderisin uıymdastyrýǵa monıtorıng pen sanıtarııalyq-epıdemıologııalyq saraptama júrgizdi.
Osy másele boıynsha 166 tekseris júrgizildi, onyń ishinde 87 – arnaıy, 57 – jospardan tys, 22 – monıtorıng top quramynda tekseris júrgizildi. Tekserý barysynda kelesi zań buzýshylyqtar anyqtaldy:
- Almaty qalasynyń 3 mektebinde sabaqtar arasyndaǵy úzilisterdiń normalanǵan uzaqtyǵy saqtalmaıdy;
- oqý jospary mektepterdegi kúndizgi jáne aptadaǵy oqýshylardyń aqyl-oı áreketiniń dınamıkasyn esepke almaı qurastyrylǵan 4 mektepte, bastaýysh synyptarynda qosarlanǵan sabaqtarǵa ruqsat etilgen 2 mektep anyqtaldy;
- synyptardaǵy jasandy jaryqtandyrý deńgeıiniń jetkiliksizdigi, mektepterde janyp ketken elektr shamdary der kezinde aýystyrylmaıtyn 19 mektep;
- 2 mektepte oqý jıhazdary jartylaı tozǵan jáne aýystyrýdy qajet etedi;
Sondaı-aq mektepterde dezınfektsııalaý rejımin, úı-jaılardy jeldetý kestesin buzý jáne profılaktıkalyq jáne epıdemııaǵa qarsy is-sharalardyń basqa da buzýshylyqtary anyqtaldy.
«Anyqtalǵan zań buzýshylyq faktileri boıynsha sanıtarııalyq-epıdemıologııalyq baqylaý mamandarymen 9 801 109 teńgege 66 aıyppul salynyp, 66 uıǵarym shyǵaryldy. Monıtorıng toptarynyń jumys nátıjeleri jergilikti atqarýshy organdardyń qaraýyna jiberildi»,-dep habarlady departamentten.