Almatyda karantındi buzǵan 900 jýyq kásipker jazaǵa tartyldy
ALMATY. QazAqparat – Almatyda karantın talaptaryn saqtamaǵan 900 jýyq bıznes sýbektisi ákimshilik jazaǵa tartyldy, dep habarlaıdy QazAqparat tilshisi.
5 shildeden bastap qalada karantındik jáne sanıtarlyq-epıdemıologııalyq rejımdi buzǵandardy anyqtaıtyn 43 mobıldi top qurylǵan bolatyn .
Olardyń quramyna ákimdikterdiń, Taýarlar men qyzmetterdiń sapasy men qaýipsizdigin baqylaý basqarmalarynyń, jergilikti polıtsııanyń ókilderi engen.
Mobıldi toptar Prezıdent pen Almaty qalasy ákiminiń tapsyrmalaryn qala turǵyndarynyń jalpy qoldanystaǵy aýmaqtarda qalaı oryndap jatqandaryna monıtorıng júrgizedi.
Qalanyń 8 aýdanyna júrgizilgen tekserý nátıjesinde ákimshilik quqyqty buzǵandary úshin 897 hattama toltyryldy. Atap aıtqanda, kafeterııler, sulýlyq salondary, avtojýý nysandary, TQS, azyq-túlik dúkenderi, naýbaıhanalar, kókónis dúkenderi, qoǵamdyq monshalar, bala baqshalar protsedýralyq kabınetter, arnaıy HQKO jáne jeke tulǵalar bar.
Aıta keterligi, mobıldi toptar karantındik sharalardy, áleýmettik qashyqtyq pen maskalyq rejımdi, sonymen qatar jumys isteýge ruqsat berilgen saýda nysandarynyń jumys kestesi týraly halyqty kún saıyn habardar etedi.
Budan ózge, Taýarlar men qyzmetterdiń sapasy men qaýipsizdigin baqylaý departamenti qalanyń 8 aýdanynda «jedel jelini» iske qosty. Osy jeli arqyly habar túsken boıda mobıldi top jedel jetedi jáne túsindirý jumystaryn júrgizedi.
