Almatyda karantın tártibin buzǵan 2410 adamǵa aıyppul salyndy

ALMATY. QazAqparat - Almaty ákiminiń tapsyrmasy boıynsha megapolıste qalanyń memlekettik bas sanıtarlyq dárigeri belgilegen karantındik normalardy buzǵandardy anyqtaý jáne olardyń aldyn alý boıynsha 40 monıtorıng toby kúsheıtilgen rejımde jumys istep jatyr, dep habarlaıdy QazAqparat tilshisi.

Ótken táýlikte monıtorıng toby belgilengen shekteýlerdi buzǵan 9 nysandy anyqtady. Onyń 8-i meıramhana, dámhana men dúken jáne bireýi - saýna. Sonymen qatar, 55 jeke tulǵaǵa ákimshilik quqyq buzýshylyq týraly hattamalar toltyryldy.

«19 naýryz ben 5 sáýir aralyǵynda 457 mekeme karantın sharasyn buzǵan. Onyń ishinde:

- Alataý aýdany boıynsha - 15 fakt ;

- Almaly aýdany boıynsha - 90;

- Áýezov aýdany boıynsha - 79;

- Bostandyq aýdany boıynsha - 74;

- Jetisý aýdany boıynsha – 36;

- Medeý aýdany boıynsha - 61;

- Naýryzbaı aýdany boıynsha – 32;

- Túrksib aýdany boıynsha - 56.

Anyqtalǵan nysandardyń jalpy sanynyń ishinde mynalar bar: 299 meıramhana, dámhana men dúken, 68 kompıýterlik klýb, 12 bılıard klýby, 37 SPA-salon, 21 saýna, 2 kalıan bary, 11 karaoke klýby, 3 loto klýby, 5 túngi klýb. 2410 jeke tulǵaǵa ákimshilik aıyppul salyndy»,- dep habarlady Almaty qalasy sanıtarııalyq-epıdemıologııalyq baqylaý departamentinen.