Almatyda karantın talaptaryna qatysty jańa qaýly shyqty

ALMATY. QazAqparat – Almaty qalasynyń bas memlekettik sanıtarlyq dárigeri Jandarbek Bekshın karantındik shekteýlerge qatysty jańa qaýlyǵa qol qoıdy, dep habarlaıdy QazAqparat tilshisi.

Qaýlyǵa sáıkes, qalada buqaralyq is-sharalarǵa tyıym salý saqtalady.

«Atap aıtqanda, karaoke, túngi klýbtar, kınoteatrlar, fýdkort jumys istemeıdi. Zańdy tulǵalar, kásipkerlik sýbektiler, uıymdyq-quqyqtyq nysandar qyzmetkerlerdiń 30 paıyzyn qashyqtan jumys isteýge aýystyrýy kerek. Jolaýshylar aǵynyn azaıtý maqsatynda qoǵamdyq kóliktiń barynsha kóp shyǵýyn qamtamasyz etý qajet. Aýdan ákimderi monıtorıngilik toptardyń jumysyn jandandyrýy tıis. Kópqabatty úılerdiń kireberisteri men balalar alańdaryn aptasyna bir ret dezınfektsııalaý mindetteledi»,– delingen qujatta.

Qujattyń tolyq mátinimen myna silteme arqyly tanysýǵa bolady.