Almatyda karantın talaptaryn saqtamaǵan 1000-nan astam adamǵa aıyppul salyndy
ALMATY. QazAqparat - Almatyda 1000 astam adamǵa karantın talaptaryn saqtamaǵany úshin aıyppul salyndy, habarlaıdy QazAqparat tilshisi.
Azamattardyń sanıtarlyq-epıdemıologııalyq salaýattylyǵy salasyndaǵy zańnamanyń, sondaı-aq gıgıena standarttarynyń saqtalýyn baqylaý maqsatynda Almaty qalasynda ákimdik, SES jáne polıtsııa qyzmetkerleriniń arasynan arnaıy monıtorıngtik toptar quryldy.
5 shildeden bastap QR ÁQbK-niń 425-babyna sáıkes ákimshilik jaýapkershilikke 1 myń 22 adam tartyldy. Al keshe 90 adamǵa hattama toltyryldy.
«Azamattardyń kóp keletin oryndary, qyzmet kórsetý, tamaqtaný oryndary jáne t.b. únemi tekserilip otyrady. Sonymen qatar, sanıtarlyq dárigerdiń talaptaryna sáıkes kelmeıtin massaj, sulýlyq salondary, barlar, meıramhanalardy anyqtaý boıynsha jedel bólimsheler jumys isteıdi. Arnaıy reıdter barlyq jerde jáne turaqty negizde júrgizilýde», – dedi Almaty qalalyq PD Jergilikti polıtsııa qyzmeti basqarmasynyń bastyǵy Manap Sattarov.
