Almatyda karantın talaptaryn buzǵan kásiporyndar qalaı jazalanady
«Monıtorıng tobynyń jumysy kásipkerlerge unap jatqan joq. Karantın kezinde jasyryn túrde jumys istep jatqan túngi klýbtar men bılıard ortalyqtary kezdesedi. Olarǵa sot arqyly aıyppul salynyp jatyr. Alaıda olar ýaqyt ótken soń qaıta jumysqa kirisip jatqanyn kórip otyrmyz. Mundaı jaǵdaılar bar. 19 naýryz ben 28 naýryz aralyǵynda monıtorıngtik toptar 345 zań buzýshylyqty anyqtady. Onyń ishinde 222-si meıramhana men kafe bar», - dedi ol.
Almaty ákimi olarǵa qandaı jaza qoldanylatynyn aıtty.
«Aıyppul salý, jumysyn toqtatý jáne basqa da tetikter qoldanylyp jatyr. Sý men elektr jelisinen aıyrý syndy sharalar da bar. Keıbir azamattar monıtorıngtik toptardyń ózderi zańbuzýshylyq jasap jatqany týraly aıtty. Eger ondaı jaǵdaı kezdesse, birden ákimshilikke ashyq aıtý kerek. Para berip quttylǵannan góri, para surap jatyr dep aıtý kerek. Biz qaraıtyn bolamyz», - dedi ol.
Saǵyntaev kásipkerlerdi zań buzýshylyqqa jol bermeýge shaqyrdy.
