Almatyda karantın talaptaryn buzǵan kásipkerlerge 10 mln teńge aıyppul salyndy
ALMATY. QazAqparat – Almatyda qańtar aıynyń karantın sharalaryn saqtaý boıynsha 332 reıd júrgizilgen. Bul týraly qalanyń Bas memlekettik sanıtar dárigeri Jandarbek Bekshın onlaın brıfıng barysynda aıtty, dep habarlaıdy QazAqparat.
Jıynda jýrnalıster epıdemıologııalyq ahýaldyń nasharlaýyna baılanysty qalada karantın kúsheıtile me degen suraq qoıdy.
«Bul baǵytta qandaı sharalar qabyldanatyndyǵy pysyqtalýda. Jańa shekteý sharalary týraly keıin aıtatyn bolamyz», - dedi Bekshın.
Onyń aıtýynsha, 2021 jyldyń 1-26 qańtar aralyǵynda 332 reıd júrgizilip, 2544 nysanda 180 (7%) zańbuzýshylyq anyqtalǵan. Osy baǵytta 107 hattama toltyryldy, onyń ishinde 29 zańdy tulǵaǵa 10 399 105 teńge aıyppul salynǵan. Al 78 jeke tulǵaǵa maska rejımin buzǵany úshin 3 412 890 teńge aıyppul salyndy.
QR ÁqbK 462-babynyń 3-tarmaǵymen 12 materıal sotqa berildi.
Eske salsaq, 27 qańtardaǵy epıdemıologııalyq ahýaldy baǵalaý matrıtsasy boıynsha Qazaqstannyń 6 oblysy men 2 qalasy áli de «qyzyl» aımaqta tur. Olar: Aqmola, Pavlodar, Atyraý, Qostanaı, Soltústik Qazaqstan, Batys Qazaqstan oblystary men Nur-Sultan jáne Almaty qalalary.