Almatyda karantın talaptaryn buzǵan 14 nysannyń jumysy toqtatyldy
ALMATY. QazAqparat – Almatyda mobıldi toptar júrgizgen reıd barysynda karantın talaptaryn buzǵan 14 nysannyń jumysyna shekteý qoıyldy, dep habarlaıdy QazAqparat tilshisi.
29 shildede qala boıynsha 43 mobıldi top 308 nysan tekserilgen bolatyn.
Nátıjesinde 14 nysannyń jumysy toqtatyldy. 156 ákimshilik hattama toltyryldy. Sonymen qatar, 207 nysan boıynsha túsindirý jumystary júrgizilip, baqylaýǵa alyndy.
Buǵan deıin Almatyda 400 adamǵa maska taqpaǵan úshin 83 myń teńge kóleminde aıyppul salynǵan bolatyn. Bul týraly Almaty ákimi Baqytjan Saǵyntaev tikeleı efır barysynda aıtty.
Al keshe Almatyda avtobýsta maskasyz otyrǵany úshin eskertý alǵan qyz ashýǵa boı aldyrǵan bolatyn. Qyzdyń áreketi kópshiliktiń ashýyn týǵyzdy.
