Almatyda karantın talaptaryn buzǵan 14 mekeme ıesi aıyppul tóleıdi

ALMATY. QazAqparat - Almatyda bir táýlikte karantın talaptaryn buzǵan 14 nysan anyqtaldy, dep habarlaıdy QazAqparat tilshisi.

Quqyq buzýshylarǵa qatysty ákimshilik is qozǵaldy, aıyppul salynady. Almatynyń Sanıtarlyq-epıdemıologııalyq baqylaý departamenti karantın talaptaryn buzǵan mekemelerdi atady.

Máselen, 19 qyrkúıekte Naýryzbaı adanyndaǵy «Baqsarai» meıramhanasy men «Amelie» kafesi tyıym salynǵanyna qaramastan banket ótkizgen. Dál osy kúni tekserýshiler Almaly aýdanynyń «Medalon» meıramhanasy men RST stom stomatologııasy qyzmetkerleriniń maska rejımin buzǵanyn anyqtady. Barlyq materıaldar aýdandyq sanıtarlyq-epıdemıologııalyq baqylaý basqarmalaryna jiberildi.

Túnde monıtorıng top ókilderi Áýezov aýdanyndaǵy «Aınur» kafesinde jáne «House pub» barynda, Almaly aýdanyndaǵy «Prosseko bar» meıramhanasynda jumys jáne maska rejımin saqtamaı, karantın talaptaryn buzǵanyn anyqtady.

Sonymen qatar, tártip buzýshylardyń arasynda Jeltoqsan kóshesindegi «Mıata Platıným» laýndj-bary, Brýsılovskıı kóshesindegi «Arsha» meıramhanasy, Medeý aýdanyndaǵy «Hookah-dreems» bary, Radlov kóshesindegi «Loto club», Bostandyq aýdanyndaǵy «Kıshlak» meıramhanasy, «Storm» jáne «Battle» palace kompıýterlik klýbtary bar.

Almaty ákimdigi turǵyndardy karantın talaptaryn oryndaýǵa, sanıtarlyq erejelerdi saqtaýǵa shaqyrady, óıtkeni epıdemıologııalyq ahýal áli de turaqsyz.