Almatyda karantın talabyn oryndamaǵan 2 dámhananyń ıesine aıyppul salyndy
ALMATY. QazAqparat – Almatyda polıtsııa karantın mezgilinde jumys istegen eki dámhananyń basshylyǵyn jaýapqa tartty, dep habarlaıdy QazAqparat tilshisi.
Bul eki nysan da Alataý aýdanynda ornalasqan. Ýchaskelik ınspektorlar júrgizgen reıd barysynda kóńil kóteretin eki mekeme de burynǵy rejimmen istep turǵan.
Ýchaskelik ınspektorlar tótenshe jaǵdaı talaptaryna baǵynbaǵan kásipkerlerge QR ÁqbK 476-babymen ákimshilik is qozǵap, aýdanaralyq azamattyq ister boıynsha sot sheshimimen ekeýine de aıyppul salyndy», - dedi Alataý aýdandyq PB basshysy Ulan Ábilqaıyr.
Polıtsııa ókilderi karantın rejimin buzǵandar ákimshilik jazaǵa tartylatynyn eskertti.
Aıta ketý kerek, Almaty bıligi keshe aýrý oshaǵy retinde 10 mekenjaıdy ataǵan bolatyn.
Qazir Qazaqstanda 53 koronavırýs juqtyrý deregi tirkeldi.
Nur-Sultan qalasynda -28, Almatyda – 22, Qaraǵandyda -2, Almaty oblysynda 1 jaǵdaı anyqtaldy.
