Almatyda karantın talabyn buzǵan túngi klýbtar áshkerelendi
Almatyda 40 monıtorıng top kúsheıtilgen rejımde jumys istep jatyr. Olardyń quramyna ákimdik, taýarlar men qyzmetterdiń sapasy men qaýipsizdigin baqylaý departamenti, jergilikti polıtsııa, «Atameken» kásipkerler palatasynyń mamandary bar.
Mysaly, Medeý aýdanynyń monıtorıng toby sáýirdiń 2-nen 3-ne qaraǵan túni Nazarbaev dańǵylynda ornalasqan «Bakard», Zenkov kóshesindegi «Persona» túngi klýbtarynan jáne Qarmysov kóshesindegi «Tarhýn» kafesinen kelýshilerdi shyǵardy.
Almaly aýdanynda «Gogol» túngi klýby men «Lolıta» meıramhanasy karantın talaptaryn buzǵan. Eki mekemede 150 jýyq adam bolǵan.
Zańdy jáne jeke tulǵalarǵa ákimshilik buzýshylyq jáne aıyppul salý týraly hattama toltyryldy.
Jyl basynan beri qalada karantın sharalaryn buzǵany úshin bıznes sýbektileri men jeke tulǵalarǵa jalpy somasy 170 mln teńgeden asatyn aıyppul salyndy.
