Almatyda karantın talabyn buzǵan túngi klýb áshkerelendi

ALMATY. QazAqparat - Almatyda karantın talaptaryn buzǵan túngi klýb basshylyǵy jazaǵa tartyldy, dep habarlaıdy QazAqparat tilshisi.

Monıtorıng toby túngi klýbqa túngi 01:40-ta eskertýsiz tekserý júrgizdi.

Olar kelgende klýbta adam kóp bolǵan.

«Klýb basshylyǵy bul áreketine durys túsinikteme bere almady. Jınalǵan materıal ákimshilik óndiris úshin taýarlar men qyzmetterdiń sapasy men qaýipsizdigin baqylaý departamentiniń aýdandyq bólimine jiberildi. Sonymen qatar, osy túni arnaıy monıtorıng toby taǵy biraz nysandy aralady. Negizinen, adam kóp shoǵyrlanǵan tamaqtaný oryndary tekserildi», - deıdi Jetisý aýdandyq polıtsııa basqarmasynyń basshysy Darhan Musanov.

Túngi reıdke ákimdik, taýarlar men qyzmetterdiń sapasy men qaýipsizdigin baqylaý departamenti, Jetisý aýdandyq PB, «Atameken» kásipkerler palatasynyń mamandary shyqqan.