Almatyda karantın talabyn buzǵan oıyn-saýyq orny anyqtaldy
ALMATY. QazAqparat – Monıtorıngilik top reıd barysynda 80 adamǵa qyzmet kórsetken oıyn-saýyq orynyn anyqtady, dep habarlaıdy QazAqparat tilshisi.
Monıtorıngilik top qaladaǵy tamaqtaný ortalyqtaryna reıd júrgizdi. Nátıjıesinde, 19 qoǵamdyq tamaqtaný nysanynda zań buzýshylyqtar anyqtaldy.
«Túngi saǵat 23:15-te oıyn-saýyq oryndarynyń biri 80 kelýshige qyzmet kórsetkeni anyqtaldy. Onda spırttik ishimdik te satylǵan»,– dep habarlady «Nur Otan» partııasy Almaty qalalyq fılıalynyń baspasóz qyzmeti
Karantın talabyn buzǵan mekemelerge ákimshilik hattamalar toltyrylyp, ıelerin ártúrli baptar boıynsha ákimshilik jaýapkershilikke tartý úshin ýákiletti organdarǵa jiberildi.
«Nur Otan» partııasy Almaty qalalyq fılıaly qala boıynsha zańsyz áreketterge qatysty Partııanyń baqylaý komıssııasyna 279-88-49 telefony arqyly habarlasýǵa bolatynyn jetkizdi.
