Almatyda karantın talabyn buzǵan 40 mekeme anyqtaldy

ALMATY. QazAqparat - Almatynyń monıtorıng toby eki kúnde karantın talaptaryn buzýdyń 40 jaǵdaıyn anyqtady, dep habarlaıdy QazAqparat tilshisi.

Monıtorıng tobynyń málimetinshe, Almatyda kafe men meıramhanalardyń jumys tártibi ózgerdi. Osyǵan baılanysty baqylaý kúsheıtildi. Bul talap «delta» koronavırýs shtamynyń jedel taralýyna oraı qabyldanǵan bolatyn.

Alaıda, juqtyrǵandar sanynyń artýy qala turǵyndaryn alańdatar emes, olar kóńil kóterýdi jalǵastyrýda.

26 – 28 tamyz aralyǵynda Almatyda belgilengen shekteý tártibin buzýdyń 40 jaǵdaıy anyqtaldy. Mysaly, 26 tamyzda saǵat 23.32 shamasynda Áýezov aýdanynyń mobıldi toby «Jazıra» shaǵynaýdanyndaǵy «Peşera» kafesinde zań buzýshylyqty tirkedi. Mekeme Ashyq jobasynyń kóshbasshysy bolmasa da saǵat 22.00-den keıin jumysyn jalǵastyrǵan. Dámhanadan 20 kelýshi shyǵaryldy.

Sol kúni Taýgúl-1 shaǵyn aýdanynda tún ortasynda jıyrma shaqty demalýshy bolǵan «Alı bro» kafesinde jumys rejıminiń buzylǵany anyqtaldy.

27 tamyzda Almaly aýdanynda saǵat 23.30 shamasynda Muratbaev kóshesinde La Janbyr kafesi karantındik shekteýdi buzyp, jumys istedi. Kafede 40 adam bolǵan. Tóle bı kóshesindegi «Han Saraı» meıramhanasy da jumys tártibin buzǵan.

Bostandyq aýdanynda 28 tamyz kúni saǵat 15.37-de Tımırıazev kóshesindegi «Versal» meıramhanasynda qyz uzatý toıy toqtatyldy. Toıǵa kelgen 50 qonaqpen profılaktıkalyq áńgime júrgizildi. Sondaı-aq, túngi saǵat 2.00-de «Fa Sol» karaokeniń jumysy toqtatyldy. Mekemeden 40 adam shyǵaryldy. Sol túni Seıfýllın kóshesindegi «Mega karaoke» 50 adamǵa qyzmet kórsetkeni anyqtaldy.

Almatyda ekinshi aptaǵa ketti 150 oıyn-saýyq mekemesiniń janynda polıtsııanyń patrýldik avtoekıpajdary júredi, kún saıyn 130-ǵa jýyq qyzmetker kezekshilikke shyǵady.