Almatyda karantın talabyn buzǵan 20 mekeme anyqtaldy

ALMATY. QazAqparat - Almatynyń monıtorıng toby eki kúnde karantın talaptaryn buzýdyń 20 jaǵdaıyn anyqtady, dep habarlaıdy QazAqparat tilshisi.

Monıtorıng tobynyń málimetinshe, 28 maýsymnan bastap Almatyda shekteý talaby kúsheıtildi. Kafe men meıramhanalardyń jumys tártibi ózgerdi. Bul talap «delta» koronavırýs shtamynyń jedel taralýyna baılanysty qabyldandy.

Alaıda, juqtyrǵandar sanynyń artýy qala turǵyndaryn alańdatar emes, olar kóńil kóterýdi jalǵastyrýda.

Monıtorıng toptary tamaqtaný, dúkender, kompıýterlik klýbtar, monshalar men basqa mekemelerdiń ıelerine sanıtarlyq talaptardy saqtaý kerektigin eskertti. Jańa shekteýler únemi eske salynsa da kásipkerler olardy elemeýde.

28 nen 29 maýsymǵa qaraǵan túni Almatyda belgilengen shekteý tártibin buzýdyń 5 jaǵdaıy anyqtaldy. Mysaly, Áýezov aýdanynyń mobıldi toby «Іnjý» banket zalynda 60 qonaqtyń qatysýymen shara ótkizilgenin anyqtady.

Burynǵy jáne qoldanystaǵy qaýlylarǵa sáıkes, Almatyda toı ótkizýge tyıym salynǵan, sondyqtan qonaqtardy úılerine jiberýge týra keldi. Banket halynyń ıesine qatysty materıal keıinnen Áýezov aýdanynyń sanıtarlyq-epıdemıologııalyq baqylaý basqarmasyna berildi.

Sol túni Bostandyq aýdanynyń aýmaǵynda da tekserýshiler jumys istep turǵan «Strong» kompıýterlik klýbyn anyqtady. Qaýlyǵa sáıkes olardyń jumysyna tyıym salynady. Alaıda klýb ákimshiligi 80-ge jýyq kelýshini anyqtady.

28 maýsymǵa qaraǵan túni Almaly aýdanyndaǵy «Frızman» barynda 60-qa jýyq adam bolǵan. Sondaı-aq, Áýezov aýdanynda «Doma» kompıýterlik klýbynyń jumysy toqtatyldy. Onda 40 adam kompıýterlik oıyndardy oınap otyrǵan.

Karantın talaptarynyń eń kóp buzylýy 26 men 27 maýsymǵa qaraǵan túni anyqtaldy. Tekserýshiler sanıtarlyq-epıdemıologııalyq normalar saqtalmaǵan 12 mekemeni anyqtady.

Bul tizimde «Almaly» kafesi bar. Tekserý kezinde onda 120 kelýshi bolǵan. Sondaı-aq, «Abyroı» kafesinde 110 adam bolǵany anyqtaldy. Eki mekeme de Áýezov aýdanynda ornalasqan. Ielerine qatysty ákimshilik hattama toltyryldy.

Eske salaıyq, megapolıste epıdemıologııalyq jaǵdaı kúrdeli. Almaty koronavırýs ınfektsııasynyń taralýy boıynsha «qyzyl» aımaqta. Jaǵdaı «Delta» shtamynyń jańa aınalymyna baılanysty qalyptasty.

Ol joǵary patogendilikpen jáne tez taralýymen sıpattalady. Qala turǵyndary sanıtarlyq talaptardy saqtaýlary, betperde taǵýlary, adam kóp jınalatyn oryndarǵa barmaýy kerek.