Almatyda karantın talabyn buzǵan 15 mekeme anyqtaldy

ALMATY. QazAqparat – Almatyda karantın talaptaryn qadaǵalaıtyn 40 monıtorıng toby kúsheıtilgen rejımde jumys isteýde, dep habarlaıdy QazAqparat tilshisi.

9-10 sáýirge qaraǵan túni Almatynyń monıtorıng toby kompıýterlik klýbtan, bardan jáne kafeden 300-ge jýyq adamdy shyǵardy. Quqyq buzýshylardyń basym bóligi «Barvıha» túngi klýbynan anyqtaldy. Jabyq alańda 60-qa jýyq kelýshi boldy.

Jalpy, Almatyda bir túnde belgilengen shekteýlerdiń 15 buzýshylyǵy anyqtaldy. Onyń ishinde 13 nysan: meıramhanalar, kafeler men dúkender, bir kompıýterlik klýb jáne túngi klýb.Tekserý úshin polıtsııa basqarmasyna barlyǵy 48 adam jetkizildi.

Áýezov aýdany boıynsha: «RGB» kompıýterlik klýby.

Bostandyq aýdanynda: «75 Projest» laýnj bary jumys istedi, onda 40 adam boldy.

Jetisý aýdany boıynsha: «Elnarýs» kafesinde 40-qa jýyq adam karantındi buzǵan.

Medeý aýdanynda: «Barvıha» klýby. Onda 60-qa jýyq adam boldy.

Barlyq mekeme ıelerine qatysty ákimshilik hattamalar jasaldy.

Almaty qalasynyń ákimdigi turǵyndardy karantındik shekteýlerdi ustanýǵa jáne juqtyrý qaýpi joǵary nysandarǵa barmaýǵa shaqyrady.