Almatyda karantın sharasyn buzǵandarǵa 200 mln teńgeden astam aıyppul salyndy

ALMATY. QazAqparat- Almatyda jyl basynan beri karantın tártibin buzǵan 3018 adamǵa 202 mln teńge kóleminde aıyppul salyndy. Bul týraly qalalyq sanıtarlyq-epıdemıologııalyq baqylaý departamenti basshysynyń orynbasary Sádýaqas Baıǵabylov onlaın brıfıng barysynda aıtty, dep habarlaıdy QazAqparat tilshisi.

Spıkerdiń aıtýynsha, jyl basynan beri monıtorıng toby 13 500-den astam nysandy tekserdi. Nátıjıesinde 1573 tártipbuzýshylyq anyqtaldy. Karantın tártibin buzǵandarǵa qatysty 3018 hattama toltyryldy. Aıyppuldardyń jalpy somasy 202 mln teńge.

Karantın rejımin óreskel buzýshylar boıynsha mamandandyrylǵan aýdanaralyq ákimshilik sottarǵa 63 materıal jiberildi. Sot sheshimimen 39 obektiniń qyzmeti toqtatylǵan.

Almaty qalasy sanıtarlyq-epıdemıologııalyq baqylaý departamenti basshysynyń orynbasary monıtorıng toby demalyssyz jáne mereke kúnderi de jumys isteıtinin atap ótti.