Almatyda karantın sharalaryn buzǵan 22 nysan anyqtaldy
ALMATY. QazAqparat - Sanıtarlyq-epıdemııalyq sharalardyń saqtalýyna baqylaýdy kúsheıtý aıasynda Almatyda monıtorıng toptardyń jumysy jalǵasýda, dep habarlaıdy QazAqparat tilshisi.
Almatyda monıtorıngtik toptardyń ókilderi aqpan aıynyń 3 kúni karantın sharalaryn buzǵan 22 nysandy anyqtady. Onyń 7-ýi zańdy jáne 15 jeke tulǵa.
« Áýezov aýdanynda ornalasqan «Mıata» laýndj bar belgilengen ýaqyttan uzaq jumys istedi. Bostandyq aýdanynda «Imperııa» saýnasy, Almaly aýdanynda «Panda» meıramhanasyna kelýshilerdiń sany shamadan tys bolǵan. Sonymen qatar, qyzmetkerler qonaqtarǵa betperdesiz qyzmet kórsetken. Dál sondaı buzýshylyq «Starbucks» kofehanasynda da anyqtaldy. Sondaı-aq, «Z bar and live music» bary, «Lotto» klýby karantın sharalaryn buzǵan»,- delingen habarlamada.
Almaty qalasynyń sanıtarııalyq-epıdemıologııalyq baqylaý departamenti barlyq tyıymdar men sanıtarııalyq normalardy saqtamaǵan turǵyndarǵa aıyppul salynatynyn eskertedi.
