Almatyda karantın sharalary Nur-Sultanǵa qaraǵanda nege qatań - Bekshın túsindirdi

ALMATY. QazAqparat - Almaty qalasynyń bas memlekettik sanıtar dárigeri Jandarbek Bekshın onlaın brıfıng barysynda megapolıstegi shekteý sharalary nelikten Nur-Sultanǵa qaraǵanda qatań ekenin túsindirdi, dep habarlaıdy QazAqparat tilshisi.

«Almatyda koronavırýs ınfektsııasyn juqtyrý 3 naýryzdan bastap ósti. Al, Nur-Sultan qalasynda 20 naýryzdan bastap jaǵdaı kúrdelene bastady. Sonymen qatar, elde mýtatsııalanǵan shtamdar paıda boldy. Biz muny ótken aptada anyqtap, zerthanalyq zertteýlermen rastadyq. Osy mýtatsııalanǵan shtamdar aýrýdyń tez taralýyna ákep soqty. Osyny eskere otyryp, biz qatań sharalardy engizdik», - dep túsindirdi Jandarbek Bekshın.

Aıta keteıik, Almatyda karantın sharalary 12 sáýirge deıin uzartyldy.

Qaýlyǵa sáıkes, JOO men kolledj stýdentteri, jalpy bilim beretin mektep oqýshylaryn qashyqtan oqytý formatyna aýystyrylady.

Sondaı-aq ata-anasynyń ótinishi boıynsha jalpy bilim beretin mektepterdiń 1-5, 9 jáne 11-synyptarda bala sany 15-ke deıin bolatyn kezekshi toptar ashýǵa ruqsat berilgeni belgili boldy.