Almatyda karantın rejımin buzǵandarǵa 107 mln teńge aıyppul salyndy
ALMATY. QazAqparat – Almatynyń monıtorıng toptary kúsheıtilgen rejimde jumys istep jatyr. 17 zań buzýshylyq boıynsha materıaldar sotqa berildi, dep habarlaıdy QazAqparat tilshisi.
Almatyda koronavırýs ınfektsııasyn juqtyrýdyń 18639 oqıǵasy tirkeldi. Almaty qalasy ákiminiń tapsyrmasy boıynsha sanıtarlyq-epıdemııalyq sharalardyń saqtalýyn baqylaý maqsatynda Almatyda quramyna aýdan ákimdikteriniń, jergilikti polıtsııa qyzmetiniń ókilderi, sondaı-aq «Atameken» kásipkerler palatasynyń qyzmetkerleri engen 32 monıtorıngtik top kúsheıtilgen jumystaryn jalǵastyrýda. COVID-19 taralýy boıynsha Almaty «sary aımaqta».
2020 jyldyń 8 qazanynan 2021 jyldyń 02 qańtaryna deıin 700 is-shara ótkizilip, 5916 nysan qamtyldy. Tekserý qorytyndysy boıynsha 1142 (19,3%) nysannan karantındik sharalardyń buzylýy anyqtaldy. QR ÁQBtK-niń 425-baby 1-bóligi boıynsha shekteý is-sharalaryn saqtamaǵany úshin jalpy 107 mln teńgeden astam somaǵa barlyǵy 997 ákimshilik quqyq buzýshylyq týraly hattama toltyryldy.
Sonymen qatar, sońǵy aptada, 2020 jyldyń 28 jeltoqsannan bastap 2021 jyldyń 02 qańtaryna deıin 44 tekserý is-sharalary júrgizildi. Sonyń nátıjıesinde karantın sharalaryn buzýdyń 337 faktisi anyqtaldy. Olardyń basym bóligi Áýezov, Bostandyq, Medeý aýdandaryna tıesili.
462-baptyń 1-tarmaǵy «tekserý júrgizýge kedergi keltirý» jáne 462-baptyń 3-tarmaǵy «buzýshylyqtardy joıý jónindegi nusqamalardy oryndamaý» boıynsha barlyǵy 17 materıal sotqa qaraýǵa berildi.
Almaty qalasynyń mamandandyrylǵan aýdanaralyq ákimshilik sotyna aýdandar boıynsha tómendegideı materıaldar jiberildi:
- Medeý aýdany – 7 materıal («Manana»-2 meıramhanasy, «Otrar bar» JShS, «Tsentral» -1 dámhanasy, «Hookan Dreems»-1 laýndj bary, «Global Fýdend» JShS, «Oranjerı Group» JShS restobar-1, «BM Trade Company» JShS «Artıst»-1 bary);
- Túrksib aýdany - 4 materıal («Raıana» meıramhanasy Ilahýnov JK, «Atlantıs» bılıard klýby Bıjanov R.M. JK, «Provans» dámhanasy, «Shashlychnyı dvor» dámhanasy);
-Almaly aýdany - 3 materıal («Aragosta» dámhanasy, «Degırmen», «Doremı» karaokesi);
- Áýezov aýdany – 3 materıal ( «Mıata»-1 laýnj bary, «Almaly»-2 karaoke-bary, «Playstation Go»-1 oıyn klýby).
Búgingi tańda sot kelesi nysandar boıynsha 1 aıǵa qyzmetin toqtata otyryp, 100 AEK mólsherinde ákimshilik aıyppul salý týraly sheshim shyǵardy: «Do re mı» karaokesi - Bıseneva L. JK; «Degırmen» dámhanasy – «ASM group» JShS; «Atlantis» bılıard klýby - Bıjanov R. JK; «Raıana» dámhanasy - Ilahýnov JK; «Provans» - DıSı Garıbıan JK; «Hookan Dreems» dámhanasy – «Suddenly» JShS, «Oranjerı» restobary – «Oranjerı Group» JShS.
«Aragosta» dısko bary – «AsJan» JK boıynsha - qyzmetin 3 aıǵa toqtata otyryp, 100 AEK mólsherinde aıyppul salý týraly sheshim shyǵaryldy.
Almaty ákimdigi qala turǵyndary men qonaqtaryn epıdemıologtar belgilegen qaýipsizdik talaptaryn eskerip, betperde rejımin, áleýmettik qashyqtyqty saqtaýǵa jáne múmkindiginshe adamdar kóp jınalatyn oryndarǵa barmaýǵa shaqyrady.
