Almatyda karantın rejımin buzǵan Ózbekstannyń úsh azamaty ustaldy
ALMATY. QazAqparat - Almatyda karantın rejımin buzǵan Ózbekstanyń úsh azamaty ustaldy, dep habarlaıdy QazAqparat tilshisi.
Tártip saqyshylarynyń aıtýynsha, qalada tótenshe jaǵdaı jarııalanǵanyna qaramastan baqylaý-ótkizý beketterin zańsyz aınalyp ótýshiler áli de bar.
«Alataý aýdanynda Ózbekstannyń úsh azamaty ustaldy. Olar Buryndaı yqshamaýdanynda ornalasqan №3 beketti aınalyp ótip, qalaǵa kirýge tyrysty. Alaıda bul áreket nátıje bermedi. Belgili bolǵandaı, olar Almatyǵa jumys izdep kelgen. Aıtýlarynsha, karantın týraly bilmegen. Árıne, bul jaýapkershilikten bosatpaıdy. Mamandandyrylǵan aýdanaralyq ákimshilik soty sheteldikterdi QR ÁQbK-niń 476 baby boıynsha (tótenshe jaǵdaı tártibin buzý) ákimshilik jaýapqa tartty jáne olar ákimshilik qamaýǵa alyndy», - deıdi Alataý aýdandyq polıtsııa basqarmasynyń bastyǵy Ulan Ábilqaıyr.
