Almatyda karantın rejımin buzǵan dárigerlerge qatysty basqarma túsinikteme berdi
ALMATY. QazAqparat – Áleýmettik jelide Almaty oblysyna qarasty bir aýrýhanynyń dárigerleri dámhanada bas qosyp, kesh uıymdastyrǵany týraly vıdeo paıda boldy, - dep habarlaıdy QazAqparat tilshisi.
Vıdeo « BESsımptomno « Telegram-kanalynda jarııalandy. Beınejazbada «Kerýen» kafesin tekserýge kelgender jazǵy alańda jaıylǵan dastarhandy kórgen, alaıda adamdar bolmaǵan.
«Anyqtalǵandaı, demalyp otyrǵan adamar kabınkalarǵa bólinip ketken, al qalǵany artqy esik arqyly ormanǵa jáne jolǵa qashyp shyqqan. Karantın rejımin buzǵan Almaty oblysy Іle aýdanyndaǵy Ortalyq aýdandyq aýrýhananyń qyzmetkerleri bolyp shyqty»,– delingen «BESsımptomno» Telegram-kanalynda.
Taýarlar men kórsetiletin qyzmetterdiń sapasy men qaýipsizdigin baqylaý basqarmasynyń habarlaýynsha, tekserý barysynda dárigerler tarapynan karantındi buzý anyqtalǵan joq - fakt rastalmady.
