Almatyda karantın rejımin buzǵan 2 244 adam jaýapqa tartylǵan
ALMATY. QazAqparat - Almatyda 2244 adam karantındi buzyp, jaýapqa tartyldy, dep habarlaıdy QazAqparat tilshisi.
Sot sheshimimen karantın engizgen sátten bastap tótenshe jaǵdaı rejımin buzǵany úshin 2 244 adam ákimshilik jaýapkershilikke tartyldy.
«Onyń ishinde 605 quqyq buzýshy ákimshilik qamaýǵa alyndy, 1255 adamǵa aıyppul salyndy, 514 adamǵa eskertý jasaldy. Ótken táýlik ishinde mamandandyrylǵan aýdanaralyq ákimshilik sotymen QR ÁQbK 476-baby boıynsha 23 ákimshilik materıal qaraldy. Onyń ishinde 7 adam ákimshilik qamaýǵa alynsa, 5 adamǵa aıyppul salyndy, 11 adam eskertý aldy. Shekteý sharalary bastalǵannan beri kóshede sebepsiz júrgeni úshin 1801 adam ákimshilik jaýapkershilikke tartyldy, onyń ishinde 432 adam qamaýǵa alyndy, 931 aıyppul salyndy, 438 adam eskertý aldy», - dedi Polıtsııa departamentiniń baspasóz qyzmetinen.
Jol kedergilerin aınalyp ótip, qalaǵa kirý tártibin buzǵany úshin QR ÁQbK 476-baby boıynsha 441 adam ákimshilik jaýapqa tartyldy. Olardyń 173 qamaýǵa alyndy, 194-ine aıyppul salyndy, 74 adamǵa eskertý berildi.
