Almatyda karantın kúsheıtile me

ALMATY. QazAqparat- Almaty qalasy sanıtarlyq-epıdemıologııalyq baqylaý departamenti basshysynyń orynbasary Ásel Qalyqova onlaın brıfıng barysynda «Almatyda karantın sharalary kúsheıtile me?» degen suraqqa jaýap berdi, dep habarlaıdy QazAqparat tilshisi

«Eger karantındi kúsheıtý sharasy týraly aıtatyn bolsaq, másele jaǵdaı odan ári nasharlasa jáne ınfektsııalyq statsıonarlarǵa jatqyzý deregi kóbeıgen kezde qaralady», – dep jaýap berdi Ásel Qalyqova.

Onyń aıtýynsha, qalada epıdemııa bastalǵaly beri 39 655 adam koronavırýs juqtyrǵan. 2021 jyldyń naýryzynda 9 525 jaǵdaı, sońǵy táýlikte 717 adam tirkeldi.

Buǵan deıin, departamenttegiler Almatyda epıdemıologııalyq ahýaldyń nasharlap bara jatqanyn aıtqan bolatyn.