Almatyda karantın kezinde jaqyn dúken men dárihanany qalaı tabýǵa bolady
ALMATY. QazAqparat – Kúsheıtilgen karantın rejiminde eń jaqyn azyq-túlik dúkeni men dárihanany qalaı tabýǵa bolady? Bul týraly búgin qala ákiminiń orynbasary Erlan Qojaǵapanov aıtty, dep habarlaıdy QazAqparat tilshisi.
«Adamdar jaqyn aradaǵy dúkenderge ǵana barýy kerek. Bul másele tek turǵyndar arasynda ǵana emes polıtsııa patrýlderine de túsindiriledi. Shtab basshysy, qala ákimi kúnde tańǵy jınalystarda osyǵan mán beredi. Ár polıtsııa qyzmetkeri ár sıtýatsııaǵa túsinikpen qaraýy tıis», - dedi qala ákimi.
Bul qashyqtyqty polıtsııa arnaıy planshetter arqyly baqylaıtyn bolady.
«Olarda planshet, telefon, gadjetter bar. Google, 2gis, ıAndeks qosymshalary júktelgen. Polıtsııa osylaı ár adamnyń júrisin retteıtin bolady. Tek jekemenshik sektordyń turǵyndaryna qatysty talap ózgerýi múmkin. Adamnyń qolynda azyq-túlik bolmasa eshkim ony qamap tastamaıdy. Bul – májbúrlikten týyp otyrǵan shara. Halyqaralyq tájirıbe kórsetkendeı, adamdar tolyq oqshaýlansa ǵana indet kórsetkishteri tómendeıdi. Ókinishke oraı bul kórsetkish áli ósip keledi», - dedi E. Qojaǵapanov.
