Almatyda karantın kezinde turǵyndarǵa qyzmet kórsetken nysandar anyqtaldy
ALMATY. QazAqparat- Almaty qalasynyń ortalyǵynda saýnalar men spa-salondarda jeńil júristi 30 áıel ustaldy, dep habarlaıdy QazAqparat tilshisi.
Quramynda Medeý aýdanynyń polıtsııa qyzmetkerleri bar monıtorıngtik top segiz saýnany, spa-salondardy jáne bodı-massaj qyzmetin usyný nysandaryn tekserdi. Nátıjesinde birqatar zańbuzýshylyq anyqtaldy.
«Reıdter túngi ýaqytta júrgizildi. Bul mekemelerde jezókshelikpen aınalysatyn áıelderdiń de jumys isteıtini, olardyń keıbiriniń qujattary múldem bolmaǵany anyqtaldy. Bir sózben aıtqanda, prıtondar «dene massajy», «SPA-salon» jáne «saýna» belgilerimen jumys istedi. SES ókilderi mekeme ıeleri men ákimshilerine qarsy QR ÁQbK-niń 425-babyna sáıkes sharalar qabyldady. Sonymen qatar, quqyq buzýshylarǵa qatysty QR ÁQbK-niń 492-baby men QR ÁQbK-niń 450-babyna sáıkes ákimshilik materıaldar jınaldy», – dedi Medeý aýdandyq polıtsııa basqarmasy bastyǵynyń birinshi orynbasary Elnur Kudretbaev.
Sonymen qatar, ol jumysshylardy, sondaı-aq saýnalar men salondarǵa kelýshilerdi quqyq buzýshylyqtar boıynsha sharalar qabyldaý jáne olardyń basqa zańsyzdyqtarǵa qatysy bar-joǵyn tekserý maqsatynda polıtsııaǵa jetkizilgenin atap ótti.
