Almatyda karantın kezinde toı bolǵan
ALMATY. QazAqparat – Adamdar kóp jınalǵan shara «Raıskıı sad» meıramhanasynda ótken. Bul týraly QazAqparat almaty.tv-ǵa silteme jasap habarlaıdy.
«Almaty» telearnasynyń tilshileri qala ákimdigi janyndaǵy baqylaý tobymen birge Almarasan shatqaly, Bostandyq aýdanynda ótip jatqan toıdyń ústinen túsken.
Qalada engizilgen shekteýlerge qaramastan, «Raıskıı sad» meıramhanasynda qyz uzatý toıy ótip jatqan. Vıdeoda kórsetilgendeı, toıǵa jınalǵan qonaqtar baqylaý tobynyń qyzmetkerlerin kóre sala maska taǵa bastaǵan. Endi toıhana ıesine iri kólemde aıyppul salynady. Hattama toltyrylyp, qonaqtar dereý úılerine qaıtaryldy.
Eske salaıyq, koronavırýs ınfektsııasyn juqtyrǵandar sany kóbeıýine baılanysty 5 shildeden bastap qalada qosymsha shekteýler engizildi. Karantın erejelerin saqtamaǵandar, ony buzǵandar ákimshilik jaýapqa tartylady.
