Almatyda karantın kezinde massaj stýdııasy jumys istep turǵan
ALMATY. QazAqparat - Almatyda karantın kezinde jumys istep turǵan massaj stýdııasy áshkerelendi, dep habarlaıdy QazAqparat tilshisi.
Qalalyq PD habarlaýynsha, bul jerde ıntımdik qyzmet te kórsetilgen.
«Monǵolııanyń eki azamatshasy ákimshi qyzmetin atqardy. Olardyń basshylyǵymen 10 jeńil júristi qyz ıntımdik kásippen aınalysqan. Olardyń jarnamalarynda bodı massajy dep tur. Syrtynan qarasań qarapaıym úsh qabatty turǵyn úıge uqsaıdy. Іshinde – jatyn bólmeleri, saýna, basseın jáne basqa da bólek bólmeler bar. Kúsheıtilgen karantın kúnderi áıelder tek senimdi klıentterdi ǵana kirgizgen. Keshe túnde arnaıy is-shara nátıjesinde 12 adam ustaldy, olardyń úsheýi Mońǵolııanyń týmalary, bireýi Tájikstannan, taǵy bireýi Ózbekstannan, qalǵandary elimizdiń basqa aımaqtarynan kelgender. Aıtpaqshy, atalǵan mekeme qyzmetkerleri sol jerde ornalasqan shaǵyn jataqhanada turady», – dedi Almaty qalalyq Polıtsııa departamenti bastyǵynyń orynbasary Berik Ábilbekov.
Intımdik sıpattaǵy massaj jasaýǵa úı-jaı usynǵany úshin ǵımarat ıesi QR ÁQbK-niń 450-babynda kózdelgen quqyq buzýshylyq negizinde ákimshilik jaýapkershilikke tartyldy. Sonymen qatar, QR ÁQbK-niń 425 baby «Sanıtarlyq-epıdemıologııalyq salaýattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» boıynsha massaj salonynyń qyzmetkerlerine qatysty ákimshilik hattama toltyryldy.
