Almatyda karantın kezinde qaı sala kóp zardap shekti
ALMATY. QazAqparat – Almatyda karantın kezinde bárinen kóterme jáne bólshek saýda salasy kóp zardap shekti. Bul týraly Almaty qalasy Kásipkerlik jáne ınvestıtsııalar basqarmasynyń basshysy Erkebulan Orazalın brıfıng barysynda aıtty, dep habarlaıdy QazAqparat tilshisi.
«Birinshi toqsan boıynsha kóterme jáne bólshek saýdada taýar aınalymynyń tómendegeni baıqaldy. Kóterme saýda júz paıyzdan tómen túsip ketti. Ótken jylǵymen salystyrǵanda bólshek saýda da tómendeý boldy. Qalada jumysqa qabiletti 900 myńdaı adam bar, alaıda olardyń 600 myńdaıy qazir tabyssyz otyr. Degenmen, 20 sáýirden bastap qaladaǵy birneshe kásiporyn óz jumysyn qaıta bastaıdy»,– deıdi Erkebulan Orazalın.
Sondaı-aq, ol mekemelerdiń jumysy bir aı ishinde shetinen iske qosyla beretinin jáne 100 myńdaı adam jumysqa qaıta tartylatynyn aıtty.
«Bizde qurylys salasy ınvestıtsııa kólemi jaǵynan alǵashqy oryndarda. Qazirdiń ózinde 300– den astam nysan jumysyn qaıta jandandyrýǵa daıyn. Oǵan qosa memleket «Nurly jer» jumyspen qamtýdyń jol kartasy aıasynda keshendi sharalar jasady. Bul 200-250 myńnan astam jumys ornyn ashýǵa múmkindik beredi, degenmen biz alǵashqy kezeńde 60-70 myńdaı jumysshyǵa ruqsat beremiz», – dedi Basqarma basshysy.
