Almatyda karantın kezinde balabaqshalar qalaı jumys isteıdi
ALMATY. QazAqparat – Almatyda shtabtyń erekshe ókimine deıin saqtalatyn karantın kezinde balabaqshalar qalaı jumys isteıtini jaıly qalanyń bas memlekettik sanıtarlyq dárigeri Jandarbek Bekshın onlaın brıfıng barysynda aıtty, dep habarlaıdy QazAqparat tilshisi.
«Balalardy balabaqshalarǵa qalaı aparýǵa bolady degen suraq kópshilikti alańdatyp otyr. Ár balabaqshada 50 paıyz ǵana bala toptalǵan jaǵdaıda toptardy ashýǵa ruqsat beriledi. Sonda búkil balabaqshada aýrý taralý múmkindigi tómendeıdi. Taǵy da balabaqshalarǵa dezınfektsııalyq sanıtarlyq talaptardy kúsheıtip jatyrmyz. Ár balabaqsha 15 mınýt-1 saǵat ishinde jeldetilýi tıis. Oıynshyqtardy, esik tutqalaryn 2 ret óńdeý talap etiledi. Balalarǵa jumsaq oıynshyqtardy berýge tyıym salynady. Balalardyń jatyn oryndarynda ár tósektiń arasy 1 metr bolý kerek», - dedi Jandarbek Bekshın.
Onyń aıtýynsha, tárbıeshiler men qyzmetkerlerge de mindetti túrde qolǵap pen maska taǵý talap etiledi.
Balalardy balabaqshaǵa júkti áıelder men qart adamdarǵa ákelýge ruqsat berilmeıdi. Óıtkeni, juqtyrý qaýpi joǵary.
Ár aýdanda osy talaptardy qadaǵalaý úshin arnaıy toptar qurylady.
«Bul úshin ár aýdandarda balabaqshalardy qabyldaýshy arnaıy toptar qurylady. Olarǵa bilim bóliminiń qyzmetkerleri, aýdandyq sanıtarlyq mekeme qyzmetkerleri kiredi. Olar birlesip barlyq baqshalardy qarap shyǵady. Tekserý barysynda zań buzýshylyqtar tirkelse olar ákimshilik jaýapkershilikke tartylady. Tipti balabaqsha jabylady», - dedi J.Bekshın.
Sonymen qatar, bas sanıtarlyq dáriger barlyq balabaqshalarǵa bakterıtsıdti lampa, aýa tazalaıtyn retserkýlıator ornatýǵa keńes berildi.
