Almatyda karantın kezinde 2 myń adam jumyssyzdyqqa ótinish bergen

ALMATY. QazAqparat – Almatyda karantın merziminde 2 myń adam jumyssyzdyq mártebesin alýǵa ótinish bergen. Bul týraly onlaın-brıfıng barysynda qalalyq halyqty jumyspen qamtý Ortalyǵynyń dırektory Dılıara Imanqulova aıtty, dep habarlaıdy QazAqparat tilshisi.

«Qazir Ortalyq mamandary karantın kezinde jumyssyz qalǵan adamdar sanyna qatysty monıtorıng júrgizip jatyr. Bul ýaqytta keńes surap habarlasqan adam kóp.

Memleket jumysynan aırylǵan tulǵalarǵa tabysynyń 40 paıyzy kóleminde járdemaqy tóleıdi. Bul járdemaqy jumysshynyń 24 aı nemese jarty jylda tólenip turǵan tólemderinen alynady. Odan bólek bul adamdarǵa ýaqytsha jumys taýyp beremiz. ıAǵnı, ol ýaqytsha jumys istep, tabysynan aırylǵan tulǵa retinde járdemaqy ala alady», - dedi Dılıara Imanqulova.

Onyń aıtýynsha, qazir ortalyqqa 2000 adam ótinish bildirgen.

«Olardyń 882-si jumyssyz mártebesin aldy. Tótenshe jaǵdaı kezinde 49 adam jumysqa ornalastyryldy. Olardyń 26-syna - turaqty jumys, 23-ine ýaqytsha jumys taýyp berdik. Kúnine 50-60 adam keńes surap habarlasady», - dedi Dılıara Imanqulova.