Almatyda karantın qashan jeńildeıdi – bas sanıtar jaýap berdi

ALMATY. QazAqparat - Almatynyń bas sanıtar dárigeri Jandarbek Bekshın qalada 22 qarashadan bastap «jasyl» aımaq talaptary engiziletinin málim etti, dep habarlaıdy QazAqparat tilshisi.

«Eldiń bas sanıtar dárigeriniń №42 qaýlysyna sáıkes, óńir «jasyl» aımaqqa ótkennen keıin eń kemi 7 kún «sary» aımaq talaptary boıynsha jumys isteımiz», – dedi ol.

Ári qaraı qaladaǵy epıdemıologııalyq ahýal jaqsarsa, qala «jasyl» aımaq talaptaryna kóshedi.

«Bizdiń jospar boıynsha «jasyl» aımaq talaptaryna 22 qarashadan bastap kóshýge múmkindik bar. Qazir osy kúndi kózdep otyrmyz», - dedi qalanyń bas sanıtar dárigeri.

Jandarbek Bekshınniń aıtýynsha, qalada 100 myń adamǵa shaqqanda aýrýshańdyq 50-ge jetpese, «jasyl» aımaqqa saı karantın sharalary jeńildetiledi.

«Jasyl» aımaq talaptaryna sáıkes, Ashyq qosymshasyna tirkelgen kásiporyn nemese uıymdar túngi saǵat úshke deıin jumys isteı alady. Ashyq júıesindegi kóshbasshylar tańǵy 5-ke deıin jumys isteıdi. Eger jekeleı alǵanda qoǵamdyq tamaqtaný oryndarynda qonaqtar sany artady. Eger «sary» aımaqta 60% deıin ruqsat berilse, «jasyl» aımaqta oryndar sany 70% deıin artady. Al fýdkordtarda «sary» aımaqta 20% ruqsat berilse, «jasyl» aımaqta 30% artady», - deıdi spıker.

Eske salaıyq, 18 qarashadan beri Almaty qalasy koronavırýstyń taralýy boıynsha «jasyl» aımaqta tur.