Almatyda karantın erejesin birneshe ret buzǵan bar jumysy toqtatyldy
ALMATY. QazAqparat – Almatyda karantın talaptaryn saqtaý jáne koronavırýs ınfektsııasynyń taralýyna jol bermeý úshir mobıldi toptardyń reıdteri jalǵasýda, dep habarlaıdy QazAqparat tilshisi.
Almaty qalasynyń mamandandyrylǵan aýdanaralyq ekonomıkalyq sotynyń sheshimimen sanıtarlyq-epıdemııalyq qaýipsizdik talaptaryn júıeli túrde buzǵany jáne osy baǵyttaǵy eskertýlerdi elemeýine baılanysty «Artıst» («Bm Trade Company» JShS) barynyń jumysy toqtatyldy.
Monıtorıng toptary júrgizetin tekserý is-sharalarynyń nátıjesinde jumys kestesin saqtamaý jáne adamdardyń jappaı jınalýyna jol berý sııaqty zańbuzýshylyqtar anyqtaldy. «Artıst» barynda 300-den 500-ge deıin adam bolǵan.
Sońǵy derekter boıynsha, Almaty qalasynda koronavırýs ınfektsııasymen syrqattanýdyń 18 myńnan astam jaǵdaıy tirkelgen, onyń 389-y ólimmen aıaqtalǵan.
8 qazan men 28 jeltoqsan aralyǵynda zańdy jáne jeke tulǵalarǵa jalpy somasy 79,2 mln teńgege QR ÁQBtK-niń 425-babynyń 1-bóligi boıynsha shekteý is-sharalaryn saqtamaǵany úshin 981 ákimshilik quqyq buzýshylyq týraly hattama toltyryldy, 16 materıal sotqa berildi.
Eske salaıyq, bıylǵy jyldyń 25 jeltoqsannan 2021 jyldyń 5 qańtaryna deıin kúsheıtilgen shekteý sharalary jumys isteıdi. Osy kezeńde jappaı juqtyrýǵa yqpal etetin oıyn-saýyq, sporttyq jáne basqa da is-sharalardy, sonyń ishinde jańa jyldyq erteńgilikter men merekelik korporatıvterdi ótkizýge tyıym salynǵan.
Almaty ákimdigi qala turǵyndaryn koronavırýs ınfektsııasy boıynsha turaqty jaǵdaıdy saqtaý maqsatynda mereke aldyndaǵy jáne mereke kúnderi sanıtarlyq-epıdemııalyq talaptardy saqtaýǵa shaqyrady.
