Almatyda qarama-qarsy baǵytta kele jatqan kólikter soǵysyp, eki adam jaralandy
ALMATY. QazAqparat - Almatyda 3 kólik soqtyǵysyp, júrgizýshilerdiń biri aýyr jaraqat aldy, dep habarlaıdy QazAqparat tilshisi oqıǵa ornynan.
Kýágerlerdiń aıtýynsha, Mersedes S jáne E sanatyndaǵy eki kólik Momyshuly kóshesimen ońtústik baǵytta kele jatqan. Boljam boıynsha, E sanatyndaǵy Mersedes kóligi S sanattaǵy Mersedes markaly kóliginen ozbaq bolyp onymen soǵysyp qalǵan. Osydan keıin soqqynyń ekpinimen joldyń qarsy betine shyǵyp ketip, Toıota Karına kóligimen soǵysqan.
Qazirgi ýaqytta oqıǵa ornynda qutqarýshylar jumys istep jatyr. Toıota kóliginiń júrgizýshisi men jolaýshysy qatty jaraqattanyp, jedel járdem qyzmetimen aýrýhanaǵa jóneltildi. Jol apatynyń sebepteri naqtylanýda.
