Almatyda qaraqshylar bankten 60 mln teńgeni tonap ketti
ALMATY. QazAqparat - Almaty polıtsııasy 27 maýsymda ekinshi deńgeıli banktiń tonalǵanyn rastady, dep habarlaıdy QazAqparat tilshisi.
Qalalyq ІІD resmı ókili Saltanat Ázirbektiń aıtýynsha, 27 maýsym kúni keshke «Araı» turǵyn úı keshenindegi iri bıznes ortalyǵynda ekinshi deńgeıli banktiń ofısi tonalǵan.
Qaraqshylar 60 mln teńgeni qoldy qylǵan.
«Bul derekti rastaımyz. Tergeý amaldarynyń barysyn jarııalaı almaımyz. Osyǵan baılanysty QR QK 191 babyna sáıkes qylmystyq is qozǵaldy. Tergeý barysyn qalalyq ІІD basshysynyń ózi jeke qadaǵalaýǵa aldy», - dedi Saltanat Ázirbek.
Aıta ketý kerek, 27 maýsymda «Araı» turǵyn úı kesheninde ornalasqan ekinshi deńgeıli banktiń ofısine qaraqshylyq shabýyl jasaldy.
Ázirge, qarjylyq uıym eshqandaı túsinikteme bermedi.
