Almatyda «Qara shapan» músini ornatyldy

ALMATY. QazAqparat - Almatyda «Qara shapan» erekshe art-nysany ornatyldy, dep habarlaıdy QazAqparat tilshisi.

Qala ákimdigi baspasóz qyzmetiniń málimetinshe, «Qara shapan» músinin qazaqstandyq sýretshi Syrlybek Bekbotaev jasady. Úsh metrlik shapan kúıdirilgen metaldan órilip jasalǵan. Salmaǵy – jarty tonna, dıametri – 3,5 metr.

Avtordyń aıtýynsha, bul músin kezdeısoq tańdalmaǵan, shapan - mádenı kod. Ol qazaq jáne Ortalyq Azııa mádenıetine baǵyttaıdy, onda kóshpendiler qurmet, birlik jáne ózara túsinistik sımvoly retinde shapanmen almasqan.

Almaty ákimdiginiń qoldaýymen sýretshiniń shyǵarmashylyq ıdeıasyn júzege asyrýǵa metsenattar kómektesken.

Qalanyń jańa art-nysanyn Panfılov pen Qabanbaı batyr kósheleriniń qıylysynan kórýge bolady.