Almatyda qar jaýyp, kóktaıǵaq bolady - turǵyndarǵa eskertý jasaldy
ALMATY. QazAqparat- Almaty qalalyq tótenshe jaǵdaılar departamenti «Qazgıdrometke» silteme jasap aýa raıyna qatysty eskertý jarııalady, dep habarlaıdy QazAqparat tilshisi.
9 jeltoqsan kúni Almaty taýlarynda túnde qar jaýady. Tuman túsip, kóktaıǵaq bolady. Soltústik- shyǵystan jel soǵyp, onyń ekpini cekýndyna 15-20 metrge jetpek.
Osyǵan baılanysty TJD kólik ıeleri men jaıaý júrgizýshilerge mynadaı qaýipsizdik sharalaryn saqtaýdy usynady:- esińizde bolsyn, qar men kóktaıǵaq kezinde kólik júrgizýi kúrt nasharlaıdy jáne júrgizýshiniń kólikti baqylaýdy joǵaltýy múmkin, nátıjesinde jaıaý júrginshilerdiń qaǵyp ketýi múmkin;
- kóshelerdi jol qozǵalysy erejelerimen belgilengen oryndarda ótý kerek;
- abaı bolyńyz, joldan ótken kezde, basqa isterge (uıaly telefonmen sóılesý jáne taǵy basqaǵa) alańdamańyz.;
- árqashan aldyńyzǵa jáne aıaqtyń astyna qarańyz;
- aıaq kıimdi durys tańdaýǵa nazar aýdarý kerek. Aıaq kıim budyrly órnegi bar taıǵanamaıtyn materıaldan jasalǵan tegis tabandy bolýy tıis;
- qolyńyzdy qaltańyzda ustamańyz, bul sizge muzda tepe-teńdikti saqtaýǵa múmkindik beredi;
– esińizde bolsyn, trotýarlar, qalalyq kólik aıaldamalary, dúkenderge kire beristegi baspaldaqtar, tipti óz úıiniń kireberisi- adamdar jıi jaraqat alyp qulaıtyn jer.
