Almatyda qar jaýyp, kóktaıǵaq bolady - turǵyndarǵa eskertý jasaldy
ALMATY. QazAqparat- Almaty qalalyq tótenshe jaǵdaılar departamenti «Qazgıdrometke» silteme jasap aýa raıyna qatysty eskertý jarııalady, dep habarlaıdy QazAqparat tilshisi.
30 qazan kúni Almaty taýlarynda túnde jańbyr jáne qar jaýady. Tuman túsip, kóktaıǵaq bolady. 30-31 qazanda soltústik- shyǵystan jel soǵyp, onyń ekpini cekýndyna 15-20 metrge jetpek. Osyǵan baılanysty TJD mynadaı qaýipsizdik sharalaryn saqtaýdy usynady: - Taýly aımaqqa barýdy keıinge qaldyrǵan durys.
- Eger siz kishigirim topyraq kóshkinderdi baıqasańyz, onda taýǵa barmaǵanyńyz jón. Qarqyndy jaýyn-shashyn túsken jaǵdaıda tómen taýly aımaqta topyraq kóshkin bolýy múmkin.
- Eger siz taýda bolsańyz, muqııat bolyńyz jáne aýa raıynyń ózgerýin qadaǵalańyz. - Eger siz taý bókterinde qardyń jyljýyn, qardyń túıirshikterin baıqasańyz, onda taýlarǵa barmaǵanyńyz jón. Bul qardyń turaqsyz kúıde ekenin, kóshkinniń qaýipi múmkin ekenin bildiredi.
- Úıge erterek qaıtýǵa tyrysyńyz, keri baǵytty taba almaýyńyz múmkin.
- Rıýkzaktarda mynalar bolýy tıis: jyly kıimder,kútpegen jaǵdaıda dárigerge deıingi kómek kórsetýge arnalǵan dári qobdıshasy, GPS navıgatorlarynyń bolýy artyq bolmaıdy.
- Eshbir jaǵdaıda taýǵa jalǵyz barmańyz.
- Týǵan-týystaryńyz ben jaqyndaryńyzdy marshrýtyńyzdyń baǵyty jáne ornalasqan jerińizdi barynsha tolyq habardar etý óte mańyzdy.
