Almatyda qar tazalaýmen 2,5 myńnan astam adam aınalysýda
ALMATY. QazAqparat - Almatyda túni boıy jaýǵan qardyń qalyńdyǵy 15 santımetrge, taýly aımaqta 30 santımetrge jetti, dep habarlaıdy QazAqparat tilshisi.
Tabıǵı resýrstar men tabıǵatty paıdalanýdy retteý basqarmasynan málim etkendeı, qar jaýa bastaǵannan kommýnaldyq qyzmetkerler kóktaıǵaqqa qarsy jolǵa 4600 tonna qum shashqan.
«Túngi 01:30-da arnaıy tehnıka qardy kúrep, sypyrý jumystaryn bastap ketti. Qazir jınalǵan qardy shyǵarý jumystary júrip jatyr. Tańǵy 8-den bastap qala syrtyna 1950 tekshe metr qar shyǵaryldy. Qar tazalaý jumysyna 960 arnaıy tehnıka, onyń ishinde 155 qumshashqysh tehnıka jumyldyryldy. Jınalǵan qardy tasý úshin qurylys kompanııalarynan qosymsha 110 júk kóligi alyndy», - delingen basqarma aqparatynda.
Joldardy tazalaýmen 2620 jumysshy aınalysýda. Trotýralar men aıaldamalardy, avtoturaqtardy tazalaýǵa basa kóńil bólinýde.
1-3 jeltoqsan aralyǵyndaǵy demalys kúnderinde qalanyń bas kósheleri tolyq tazalanatyny kútilýde.
Qalalyq jəne aýdandyq əkimdikter qar tazalaý men ony shyǵarý jumystaryna táýlik boıy baqylaý júrgizýde.
Basqarma qala turǵyndaryna kommýnaldyq qyzmet jumysyna túsinistikpen qarap, jol jıegine jeke avtokólikterin qoımaýdy suraıdy.
