Almatyda qar tazalaýǵa myńnan astam jumysshy tartyldy
ALMATY. QazAqparat – Almatyda 1 sáýir kúni tústen keıin bastap jaýaǵan qar túngi saǵat 3:00- de toqtady, dep habarlaıdy QazAparat tilshisi.
Taýly jáne taý bókterlerindegi aımaqtarǵa 20-30, al qalaǵa 6-8 sm qar tústi.
Kóktaıǵaqtyń aldyn alý úshin qar jaýǵan kezden bastap joldarǵa, qıylystar men jolaıryqtardyń kireberisine, taý bókteri men taýly aımaqtarǵa kóktaıǵaqqa qarsy qospa sebilip, qar tazalandy. Kóktaıǵaqqa qarsy 1 352 tonna materıal paıdalanyldy.
Trotýar, jaıaý júrginshi aımaqtaryn, qoǵamdyq kólik aıaldamalaryn, avtoturaq qaltarystaryn, jer ústi ótkelderin jáne ortaq paıdalanylatyn jerlerdi tazartý júrgizilip jatyr.
Qar tazalaýǵa 503 arnaıy tehnıka, onyń ishinde 127 qum shashatyn tehnıka bar, 1080 jumysshy jumyldyrylǵan. Qala syrtyna 1 344 tekshe metr qar shyǵaryldy.
Aýdandyq ákimdikter men qala ákimdiginde qar tazalaýdy táýlik boıy baqylaıtyn kezekshilik uıymdastyryldy.
Qazgıdromettiń boljamy boıynsha, búgin Almatyda kún bultty bolady, aýyq-aýyq jaýyn-shashyn bolady (jańbyr, qar), túnde tuman túsip, 0-5 m/s jel turady. Aýa temperatýrasy kúndiz 3-5, túnde 0-2 aıaz.
3 sáýirde kóshpeli bult shyǵady, ońtústik-shyǵystan 2-7 m/s jel soǵady. Aýa temperatýrasy kúndiz 4-6 jyly, túnde 1-3 aıaz.
4 sáýirde kóshpeli bult shyǵady, jaýyn-shashynsyz bolady.Ońtústik-batystan soǵatyn jel 2-7 m/s. Aýa 10-12 gradýsqa deıin jylynady.
