Almatyda qar tazalaýǵa 619 tehnıka jumyldyryldy
Almaty ákimdiginiń baspasóz qyzmeti habarlaǵandaı, qalada búgin túski saǵat 13:00-der shamasynda ylǵal qar jaýa bastady. Qalanyń kommýnaldy qyzmetteri kóktaıǵaqtyń aldyn alý maqsatynda qala kóshelerine 23 tonna qum men tuz qospasyn seýip shyqty.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, ortaq paıdalaný oryndaryn tazalaý boıynsha jumystar uıymdastyryldy.
Qardy tazalaýǵa 619 tehnıka, onyń ishinde 203 qumshashqysh jáne 1 410 jol jumysshysy jumyldyryldy.
Aýdan ákimdikteri men qala ákimdiginde qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
Qazgıdromettiń boljamy boıynsha erteń túske deıin azdaǵan jaýyn-shashyn kútiledi.
Aýa temperatýrasy túnde 4 gradýsqa deıin sýytsa, 30 qańtarda kúndiz 0 gradýs shamasynda bolady.
