Almatyda qar tazalaýǵa 567 tehnıka jumyldyryldy
ALMATY. QazAqparat – Almatyda túnimen qar jaýdy. Tazalaý jumystaryna arnaıy tehnıkalar jumyldyryldy, dep habarlaıdy QazAqparat tilshisi.
Almatyda 12 qarashada jańbyr jaýyp, onyń sońy qarǵa aınaldy. Mamandardyń aıtýynsha, túnde qalaǵa 4-7 sm, al taýly aımaqtarǵa 10-12 sm qar tústi.
Joldarǵa, qıylystarǵa kóktaıǵaqqa qarsy materıaldar sebilip, qar shyǵaryldy.
13 qarashada tańǵy saǵat 6.00-degi jaǵdaı boıynsha kóktaıǵaqqa qarsy 1487 tonna materıal paıdalanyldy. Sondaı-aq, trotýarlardy, jaıaý júrginshiler aýmaqtaryn, qoǵamdyq kólik aıaldamalaryn, avtoturaqtardy tazartý jumystary jalǵasýda.
Qaladaǵy qar tazalaý jumystaryna 567 tehnıka, onyń ishinde 174 qumlaqtyrǵysh jáne 1485 jol jumysshylary jumyldyryldy. Aýdandyq ákimdikter men qala ákimdiginde qar tazalaý jumystaryn táýlik boıy baqylaıtyn kezekshilik uıymdastyrylady.
