Almatyda qar tazalaýǵa 2000-nan astam jumysshy shyqty
ALMATY. QazAqparat - Almatyǵa taǵy da qalyń qar tústi, dep habarlaıdy QazAqparat tilshisi.
Megapolıste shamamen tańǵy saǵat 6 jarymnan bastap qar jaýa bastady. Búgin senbi bolǵandyqtan, qalyń qardy tazalaý jumystary qala turǵyndaryn asa ábigerge salǵan joq.
Qalalyq ákimdiktiń habarlaýynsha, búgingi qar tazalaý jumystaryna 608 arnaıy tehnıka, 2 145 jumysshy shyqqan.
«Kóktaıǵaqtan saqtandyrý úshin qar tazalaýshylar muz qatýǵa qarsy sebindilerdi jolǵa tósep shyqty. Sodan keıin, joldyń jıekteri men trotýarlardaǵy qarlardy tazalap jatyr. Senbi, jeksenbi kúnderi qar qala syrtyna shyǵarylady», - dedi qalalyq ákimdikten.
Qazgıdromedtiń boljaýynsha, kelesi aptada Almatyǵa qar jaýmaıdy. 
