Almatyda qar tazalaýǵa 2,3 myń adam jumyldyryldy

ALMATY. QazAqparat - Almaty kommýnaldyq qyzmetteri  tańǵy 4-ten bastap jaýǵan qardy tazalaýǵa 2 322 jumysshy, 604 tehnıka jumyldyrdy, dep habarlaıdy QazAqparat tilshisi.

Taýly aımaqqa jaýǵan qardyń jamylǵysynyń bıiktigi 15 sm bolsa, qalanyń ishine 10 sm qar tústi. 

Qalalyq Tabıǵı resýrstar jáne tabıǵatty paıdalaný basqarmasynyń habarlaýynsha, kóktaıǵaqtyń aldyn alý úshin magıstraldy joldarda qum sebilip jatyr.

Tańǵy 8-der shamasynda joldarǵa kóktaıǵaqqa qarsy 2 794 tonna qum tóseldi.

«Kazgıdromet» RMK boljaýynsha, 28 jeltoqsanǵa deıin óńirde ishinara qar jaýýy múmkin.

Aýdandyq ákimdikter jaýǵan qardy tazalaýǵa táýlik boıy baqylaý júrgizip otyr.

Munyń aldynda basqarma basshylyǵy qala turǵyndary men qonaqtarynan jol shetine kólik qoımaýyn talap etken bolatyn. Turaqtaǵy kólikter qar tazalaýǵa kedergi keltirip jatsa kommýnaldyq qyzmet ókilderi evakýatordy iske qosýǵa quqyly ekendigin eskertti.