Almatyda qar tazalaýǵa 1000-nan astam jumysshy shyqty
ALMATY. QazAqparat – Almatyda qar tazalaýǵa 549 arnaıy tehnıka men 1298 jumysshy jumyldyryldy, dep habarlaıdy QazAqparat tilshisi.
Almatyda 16 qarasha kúni keshki saǵat 17:00-de jaýa bastaǵan qar 17 qarasha tańǵy saǵat 04:20 shamasynda toqtady. Osy aralyqta qalaǵa 4-5 sm, taýly aýdandarda 8-10 sm deıin qar túsken.
Kóktaıǵaqtyń aldyn alý úshin joldarǵa, qıylystarǵa, jol aıryqtarǵa arnaıy materıaldar sebilip, qar tazalaý jumystary júrgizildi.
Túngi ýaqytta 498 birlik tehnıka, onyń ishinde 155 qum sebý kóligi, 490 jumysshy jumyldyryldy. 17 qarasha kúni 549 tehnıka men 1298 jumysshy jol tazalaýǵa shyqty.
Trotýarlardy, jaıaý júrginshiler jolyn, qoǵamdyq kólik aıaldamalaryn, turaq «qaltashalaryn», saıabaqtar men skverlerdi tazalaý jumystary jalǵasýda.
Aýdandyq ákimdikterde qar tazalaý jumystaryn qadaǵalaý boıynsha táýlik boıǵy kezekshilik uıymdastyryldy.
