Almatyda qar tazalaý jumystaryna 600-den astam tehnıka jumyldyryldy
ALMATY. QazAqparat - Almatyda bir táýlikten astam ýaqyt qar jaýdy. Qazir táýlik boıǵy rejimde qar tazalaý jumystaryna 632 arnaıy tehnıka men kommýnaldyq qyzmetterdiń 785 qyzmetkeri jumyldyrylǵan.
Almaty qalasynyń ákimdigi qar tazalaý boıynsha keshendi sharany qolǵa aldy. Gıdrometeorologııalyq ortalyqtyń deregi boıynsha qardyń qalyńdyǵy 12 santımetrge jetti.
Al 17 qańtar kúni tańerteń saǵat 09.00-den bastap, kommýnaldyq qyzmetterge basqa da ár túrli uıymdar men fırmalar qosyldy. Olar ózderine bekitilgen aýmaqtardy jáne jol jıekterin tazalaýǵa kiristi.
Kommýnaldyq qyzmetterdiń habarlaýynsha, qazir qar tazalaý jumystary odan ári jalǵasýda.
